බ්ලොග් අවකාශයේ කුජීතම බ්ලොගය - "100ක් ඩවුන්"

මීට අවුරුදු තුනකට විතරක කලින් කවියක් තියා වචන ටිකක් වත් ගැටගහගන්න බැරි සමනලයෙක් ඉදියා.එක දවසක් ඒ සමනලයා නිකමට වගේ වචන ටිකක් එකතු කරලා කවියක් වගේ එකක් ලිව්වා.ඊට පස්සේ ඒ ලියපු එක කෙලින්ම දුන්නේ ලස්සනම ලස්සන රෝසමලකට.අන්න එදා ඉදලා සමනලයා ලියනවා.ගොඩා...රියක් දේවල් ලියනවා.වෙලාවකට හිනා යන දේවලුත් ලියනවා.ඒත් අද රෝසමල සමනලයා ලග නෑ.ඒත් සමනලයා ලියනවා..සමනලයට ලියන්න කියලා දීලා රෝසමල යන්නම ගිහින්...

 මීට අවුරුදු දෙකකට විතර කලින් එකක් එක නම් වලින් බ්ලොග් මහා ගොඩක් ලියලා කාගේවත් සැලකිල්ලක් නැතුව ඉදපු එකෙක් ගමේ නමින් බ්ලොග් එකක් පටන් ගත්තා.බැලූ බැල්ලමට විකාර නමක් උනත් ලියන විකාර දේවල් එක්ක නමේ නොගැලපීමක් පේන්න නැතුවම ගිහින්..රත්ගමයා කියන නමින් පටන් ගත්තු ඒ බ්ලොග් එක අර කලින් කිව්ව රෝස මල නිසාම නවත්තලා දාපු කාලෙකුත් තිබුනා.ඒ නවත්තපු මාස කිහිපයට ගොඩක් අය රත්ගමයා ගැන හෙව්වා.ඉතින් ආයේ රත්ගමයා බ්ලොග් එක පටන් ගත්තා.ඒ රත්ගමයා කියන නමින් නෙමේ..වෙන මොකක්ද කසිකබල් කවුරුවත් දන්නෙවත් නැති ඉරූ කියන නමින්.

"අපිට ඉරුවෙක්ගෙන් වැඩක් නෑ.අපිට රත්ගමයා ඕන.."

බ්ලොග් එක කියපු කට්ටිය කිව්වා..ඉතින් දැන් මොනවා කරන්නද...ඉරූ ගේ ලෝකය බ්ලොග් එක ආයේ රත්ගමයාම උනා..

අන්න ඒකයි දැන් තියෙන රත්ගමයා බ්ලොග් එකේ සබැදි ලිපිනය www.rathgamaya.blogspot.com වෙන්නේ නැතුව http://www.sun-ge-lookaya.blogspot.com/ උනේ.

කොහොම කොහොම හරි කියන්න ආපු කාරනාව කියන්න අමතක උනානේ.අද දාන මේ බ්ලොග් සටහනත් එක්ක ඔක්කොම බ්ලොග් සටහන් 100ක් ලියලා තියෙනවා මේ බ්ලොග් එකේ.අවුරුදු දෙකට ඒ ගාන හොදටම මදි වෙන්න ඇති.ඒත් ඉතින් මොනවා කරන්නද.. :ඩී . 

අපේ මල්ලිලා දෙන්න උනත් අලුගුත්තේරු වැඩක් කරන්නේ ඉදලා හිටලනේ.ඉතින් උන් දෙන්නා ගැන ලියන්න වෙන්නේ කලාතුරකින් තමා.මල්ලිලා දෙන්නා ගැන මොනවා ලිව්වත් උන් දෙන්නා හරි හොදයි..හා පැටව් වගේ සුකුමාලයි.

ලියන හැම බ්ලොග් පෝස්ට් එකක්ම බ්ලොග් එකේ දාන්න කලින් මම පෙන්නන්නේ චූටි මල්ලිට.එයාට පෙන්නලා ඊට පස්සේ තමා බ්ලොග් එකේ දාන්නේ. ( චූටි මල්ලිට - මේක තොට පෙන්නන්නේ නෑ..දැම්මට පස්සේ බලපන් හොදේ!! ).ඒ අතින් නම් අපේ චූටි මල්ලි හරි හොදයි.හිනාව තද කරගෙන කියවද්දි මාර මෙව්වා එකක් එනවා.

මොනා කරන්නද ඉතින් ලියාගෙන යනවා මිසක්.සමහරවිට මට ඩිංගක් හරි ලියන්න පුලුවන් වෙන්න ඇත්තේ අපේ මහතාත්තා නිසා ( තාත්තාගේ තාත්තා ). 1970 ගනන් වල ලංකාවේ කවියන්ගේ සංගමේ සභාපති වෙලා ඉදලා තියෙන්නේ මහතාත්තා තමා. රත්ගම ටී.ලියනගේ කිව්වොත් සමහර විට ගොඩක් අය දන්නවා ඇති. මහතාත්තා දකින්නවත් වාසනාවක් නැති උනේ 89 කලබල දවස්වලම මහතාත්තව පැහැරගෙන ගිහින් තිබුන නිසා.

ඒ මොනවා උනත් ආයේ බ්ලොග් එකට එමුකෝ..ඉතින් අද බ්ලොග් පෝස්ට් 100ක් ඉවරයි...තව ඉස්සරහට 200,300 ඊට පස්සේ එන ඉලක්කම් අකුරුවලින් පහු කරනකල් ඉවසිල්ලක් නැතුව බලන් ඉන්ඩ ඕන.

බ්ලොග් එකක් ලියන්න කියලා දීපූ කලුමල්ලි සහ ඒ දවස්වල ඉදපු නිරහංකාර අහිංසකාවි (සිරෝසිස් නගා ) වත් අප්ප්පිරියාවෙන් යුතුව මතක් කරනවා.

ඉතින් සැමට සාමය සතුට පිරි සුබ නව වසරක් වේවායි පතමින් අදට නවතිනවා..

                                 මම ඇච්.රත්ගමයා (ඇච් ස්ටෑන්ඩ් ෆෝර් හන්දියේ )