චීනෙන් ආ යාලුවා - " අඩෝ,.මට අමතක උනා බං xxx "

මේක මේ ඊයේ සිද්ද උන කතාවක්.කාලෙකට පස්සේ ඉස්කෝලේ අපේ Batch එකේ උන්ට සුහදව හම්බෙවන්න ඕන කරලා තිබුනා.ඉතින් එක දවසින් සංවිධානය කරගෙන උණවටුනේ Beach එකේ සුලුවෙන් set වෙන්න කියලා කට්ටිය Plan කරගෙන හිටියේ.

අපිටත් ඉන්නව නේ එක එක ජාතියේ යාලුවෝ.ඔය අතරේ ඉදියා පොරක් උසස් අධ්‍යාපනය වෙනුවෙන් චීනෙට ගියපු.අවුරුදු තුනකට පස්සේ ලංකාවට ගොඩ ගහපු මෑන්ස්ටත් මේ get එකට එන්ඩ සෑහෙන්න ඕන වෙලා තිබුනේ.අපේ කොල්ලො ටිකටත් ගෙන fit.මොකද චීනේ ඉදලා ආව නම් හොද හොද Brand ගෙනල්ලා ඇති කියලා තමා කට්ටිය කතා උනේ.

ඔන්න ඉතින් අදාල දවසේ පොර තව යාලුවෙකුට කෝල් එකක් දෙනවලු මෙන්න මෙහෙම.

"මචන් ඔසා,උඹලා අද get එකට යනව නම් අපේ ගෙවල් පැත්තේ ඇවිත් මාවත් දාගෙනම පලයන්.මගේ ගාව එනකොට ගෙනාපු බඩු වගයක් තියේ."

"අඩෝ..මරු නේ..එල එල..අපි ඔය පැත්තෙන් එන්නම්."

ඔන්න ඉතින් යාලුවෝ හතර දෙනෙක් නග්ග ගත්තු කාර් එක අදාල චීනේ යාලුවගේ ගෙදර ඉස්සරහා නැවැත්තුවලු.එක පාරක් හෝන් එක ගැහුවම පොර දොරත් ඇරගෙන එලියට එනවලු.පොරගේ අතේ බෝතල් දාපු පෙට්ටියක්.අපේ උන්ටත් දැන් හෙන සැටිස්ලු..

පෙට්ටිය අමාරුවෙන් උස්සගෙන ආපු මෑන්ස්  සහ කාර් එකේ යාලුවෝ අතර ඇති උනේ මෙහෙම සංවාදයක්.

"මචං ඔසා,ඩිකිය ඇරපන්.බෝතල් ටික ඩිකියට දාමු."

 

"අඩෝ ඩිකියට දාන්න එපා.කාර් එක වලක වැටුනොත් බෝතල් ටික කුඩු වෙන්න පුලුවන්.ඇතුල්ට ගනින්"

ඊට පස්සේ අපේ චීනෙන් ආපු යාලුවා මෙන්න මෙහෙම සීරියට් උත්තරයක් දුන්නලු.

"පිස්සුද බන්.ප්ලාස්ටික් කොකාකෝලා බෝතල් එහෙම කුඩු වෙනවද..ඔන්න ඔය ඩිකිය ඇරපන්"

එතනින් ඒ කොටස ඉවරයි..දැන් ඊලග කොටස.

ඔන්න කට්ටිය දාගත්තු කාර් එක උණවටුන බීච් එකට එන්න කලින් තියෙන ශෙඩ් එකේ නැවැත්තුව තෙල් ගහන්න.
පොර වගේ කාර් එකෙන් එලියට බැස්සේ අපේ චීනෙ ඉදලා ආපු යාලුවා.තෙල් ටැංකියේ පියන ලගට ගිහින් පොර හෙන ගේමක් දුන්නලු මූඩිය ඇරගන්න.විනාඩියක් විතර ට්‍රයි එක දුන්නත් මූඩිය ඇරගන්න තේරෙන්නේ නෑලු.බලන් ඉදලා බැරිම තැන පොර කාර් එකේ ඉන්න අනිත් යාලුවොන්ගෙන් උදව්වක් ගන්න හිතුවලු.

"අඩෝ..ඔසා..මේ  හු**  මූඩිය ඇරෙන්නේ නෑ නේ.මෙන්න මේ ප** ඇරපන්.."

කාර් එකේ උන්ට විතරක් නෙමේ මහපාරේ යන උන්ටත් ඇහෙන මහා සද්දෙන් අසභ්‍ය වචනෙ උදව් ඉල්ලීම ගැන අපේ සෙට් එක විතරක් නෙමේ ශෙඩ් එකේ උන්ටත් හෙන අවුල්ලු.වෙන වාහන වල ඉදපු අම්මලා පොඩි උන්ගේ කන් වහනවලු මූට බැන බැන.

ටිකක් වෙලා බලන් ඉදපු චීනෙන් ආපු යාලුවා කාර් එක ලගට ඇවිත් දොරත් ඇරලා මෙන්න මෙහෙම කිව්වලු..

"අඩෝ..මට අමතක උනා බං ලංකාවේ උන්ට සිංහල පුලුවන් කියලා." :)


(තවත් යාලුවෙකුගේ කතාවක් බලන්න මෙතන කොටන්න )

ප.ලි - මම කවදාවත් ඇවිල්ලා කමෙන්ට් එකක් වත් දාලා නැති බ්ලොග් තිබේ නම් කමෙන්ට් එකක් දාද්දි බ්ලොග් එකේ ලින්ක් එකත් එක්ක දාන්ඩ හොදේ!! ඒ පැත්තේ ඇවිල්ලා යන්න :ඩී )