මට ඉරිසියයි අපේ ආදරේ ගැන.................

                                                                                                                                                                                                                                                                              
ආදරණීය වස්තු.......


මම ඔහේ ලියාගෙන යන්නම්..මොන වගේ දේවල් ලිය වේවිද දන්නේ නෑ..
ආදරේ කරන හැමෝමලා මම වගේ ද දන්නේ නෑ..මට අපේ ආදරේ ගැන ඉරිසියයි වස්තු.මට ලෝබයි ඔයා ගැන.ඒක කියා ගන්න බැරි බොලද හැගීමක්.මම ඔයාව ගොඩාක් විශ්වාස කරනවා.මම දන්නවා ඔයා ඒ විශ්වාසේ ගොඩාක් රකිනවා කියලා.මමත් ඔයාගේ විශ්වාසේ හැමදාම රකිනවා..අනේ රත්තරන්...ඒත් මට ගොඩාක් ලොබයි නේ ඔයා ගැන......
 ඔයාට මතකද ඊයේ දවල් මම ඔයාට කෝල් එකක් ගත්තා...ඒත් ඔයා ආන්සර් කරේ නෑ නේ...මම පිච්චි පිච්චි ඉදියේ...ගොඩාක් දුක හිතුනා..ඇයි කියන්න මම දන්නෑ නෑ..
ඊට කලින් සතියේ කෝල් එකක් ගන්නකොට waiting කියලා වැටෙනවා...ඒ වෙලාවේ නම් දරා ගන්න බැරි තරම් දුකක් දැනුනේ...ඔයා ආයේ කෝල් කරනකල් මම කොට්ටෙට ඔලුව තද කරන් ඇඩුවා..මම දන්නවා ඒ කතා කරන්නේ ඔයාගේ යාලුවෙක් තමා කියලා..ඒත් රත්තරනේ මට ඒක දරා ගන්න බෑ...අනේ ඇයි මට මෙහෙම වෙන්නේ... මතකද තව දවසක් ඔයා අර ලස්සන නලුවෙක් ඉන්නේ....මට නම වත් හරියට මතක නෑ...අන්න එයා ගැන කිය කිය අගේ කරපු හැටි..එයාගේ රගපෑම් ගැන කියපු හැටි....මමත් ඔහේ අහගෙන ඉදියා විතරයි....මම ඔයාට කවියක් ලියල දුන්නම ඔයා ඒක කියවලා මාවත් ඒ වගේම අගේ කරනවා....ඒත් මට අනිත් අය ගැන කියනව අහන් ඉන්න බෑ වස්තු...දෙවියනේ...!!! මට ඔයා ගැන ඉරිසියයි රත්තරනේ..;ඔයා මගේ...මගෙම විතරයි......
මතකද ඔයා ලග තිබුන අර නිල්පාර ඉරි ඉරි තිබුන ගවුම..ඒක ටිකක් විතරකොටයි කියලා එකම එක දවසයි මම ඔයාට කිව්වේ..ඊට පස්සේ දවසෙම ඒ ගවුම තව දික් කරන් ඇදන් ඇවිල්ලා "දැන් මේ ගාන ඇතිද පැටියෝ" කියලා ඇහුවේ....මතකද......පිස්සු මැන්ටලේ.....මම දන්නවා ඔයා මම කියන දේවල කරනවා කියලා....මම ආස නෑ කවුරුවත් ඔයා දිහා බලනවට...මට ඉරිසියයි පැටියෝ ගොඩාක්....


 වෙලාවකට මට හිතෙනවා ඔයා වගේ ලස්සනම ලස්සන කෙල්ලෙක් මම වගේ කැතම කැත කොල්ලෙක්ව තෝර ගත්තේ මොකටද කියලා...මම ඔයා ව තෝර ගත්තේ ඔයා ලස්සනම නිසා විතරක් නෙමේ කියලා ඔයාට මම අනන්තවත් කියලා තියෙනවා නේ....ඔයා ලස්සන නිසා මට ඒකටත් ඉරිසියයි....මට පිස්සුද මම දන්නේ නෑ...එත් මට ඉරිසියයි නේ....මට මේක නැති කරගන්න විදිහක් කියලා දෙන්න කෝ රත්තරනේ...මම ඔයාට ආදරේ.....ඔයා ඊටත් වඩා මට ආදරේ...අනේ....ඒ වගේ ආදරයක් මට කවදාවත් ලැබෙන එකක් නෑ...
දන්නවද වස්තු...ඔයාගේ ආදරේ...අපේ ආදරේ ගැන...අනිත් අයටත් ගොඩාක් ඉරිසියා ඇති නේද.....ඒ ගැන නම් මට පොඩ්ඩක් වත් ඉරිසියා නෑ..
                                    ආදරේ අහස තරම්
                                                                                                            
                                                                                                           ඔයාගෙ පිස්සු කොල්ලා

                                      (කඩල 250ක් ගෙනා ගොට්ටේ තිබූ කතාවකි )

ආදරේ කාටද?????

වෙලාව රෑ 7ට විතර ඇති..ජන්ගම දුරකථනය නාද උනේ කෙටි පනිවිඩයක් ලැබුන නිසා..කාගෙන්ද කියල දැන දැනත් මම බැලුවා...ආහ්.....මගේ යාලුවෙකුගෙන්..හොද යාලුවෙකුගෙන්.එයාගෙන් ලොකුම ලොකු ප්‍රශ්නයක්..

ඉරුට වඩා අපි සදුට ආදරේ කරන්නේ මොකද අහනවා..අනේ මන්දා මොනවා කියන්නද කියලා.ඇත්ත්ටම අපි ආදරේ ඉරුටද,සදුටද?

ගොඩක් අය කියයි සදුට කියලා.සදු ලස්සනයි..හැඩයි...ඉරුට වගේ නෙමේ සදුට ගොඩාක් ලන්වෙන්න පුලුවන්.

තරු ගොඩාක් වට කරන් පුන්චි එලියක් විහිදගෙන කොච්චර ලස්සනට අහසේ පායනවද,,,ඒ ලස්සන කියලා නිම කරන්න බෑ...අපේ බ්ලොග් ලියන කට්ටියත් කොච්චර දෙනෙක් සදු ගැන නිසැදැස් ලියල තියෙනවද?

හැමෝමලා සදුට ආදරේ කරන්නෙත් ඉරුට නපුරුකම් කරන්නෙත් ඇයි?

මෙන්න තව ටිකකින් ආයෙත් මැසේජ් එකක්.. ඒත් සදු ගැනමයි....සදුට ආදරේ හිතිලද කොහේද...

මම ඉරු...මම සදුට වඩා ඉරුට ගොඩක් ආදරේ...එයාට මම ඒක කිව්වා...මම ආදරේ කරන්නේ ඉරුට කියලා...මට ඒකට හේතු කියන්න පුලුවන් කමක් තිබුනේ නෑ....සල්ලි ඉවරටම ඉවර වෙලානේ අප්පා ෆෝන් එකේ....

ඊට පස්සේ එයා එක දිගට මැසේජ් එව්වා..මම අසරණ වෙලා බලන් ඉදියා...සදු ගැන ගොඩක් අගේ කරලා...මේක ඔයා කියවනවා..මම දන්නවා ඒ බව......මේ ඉරු...ඇත්තම ඉරුට ආදරේ කරන්නේ මොකද කියලා කියන්නම්...

ඔව්..ඔයා කියනවා සදු ලස්සනයි..ගොඩාක් ලස්සනයි..සදුට ලන් වෙන්න පුලුවන්..ඔව්..ගොඩාක් ලන්වෙන්න පුලුවන්..සදේ එලිය ගොඩාක් අඩුයි...ඔව්..සදු ලස්සනයි...සදුගේ එලිය අයිති කාටද කියලා ටිකක් හිතුවද...අනුන්ගේ එලියෙන් බැබලි බැබලි ඉන්න සදු ඔච්චරම වටිනවද? ඉරුට ලන් වෙන්න බැරුව ඇති..ඒත් ඉරු නිසා ඔයා..මම..අපි හැමෝමලා හුසම ගන්නවා..ජීවත් වෙනවා...ලස්සන කියන දේ අපි හැමෝම කොච්චර ලේසියෙන් රවට්ටනවද? ලස්සනට රැවටෙන්නේ නැතුව වටිනාකමෙන් කෙනෙක්ව මනින්න...

ඒක තමා මේ ඉරුට..මේ රත්ගමයට කියන්න ඕන....හිතන්න...තාමත් ආදරේ සදුටද?

(මේක ඉරුයි...සදුයි ගැන ලිව්ව උනාට හැබෑ ජීවිතේටත් අදාල වෙනවා කියලා අමතක කරන්න එපා....)

වැලි ගොඩ දාපු පොලිස් මාමාගේ තවත් වැඩක්

අද උසාවි ගියා නඩුවකට.........මට නම් නෙමේ හැබැයි....සිද්ධිය මේකයි...
ගිය බ්‍රහස්පතින්දා හවස් ජාමේ පොලිස් මහත්තරු වගයක් කඩාගෙන පැන්නා අපේ කඩේ ඇතුලට....කුඩු කාරයෝ දෙන්නෙකුත් අරගෙන තමා ආවේ...කඩාගෙන බිදගෙන ආපු පොලිස් මාමා කෙනෙක් කුඩුකාරයෙක්ව පෙන්නල අපේ තාත්තගෙන් අහනව මූව දන්නවද කියලා....තාත්තා ඔව් කිව්වා...අනිත් එකා පෙන්නලා අහනවා මූව දන්නවද කියලා....තාත්තා ඌව දන්නෙ නැති නිසා නෑ කිව්වා.. මුන් දෙන්නා ඊයේ රෑ ගාල්ලේ කඩයක් කඩලා...මුන් කියනවා තමුසේගේ කඩේට ඒ කඩෙන් හොරකම් කරපු බඩු ගෙනල්ල දැම්ම කියලා..ඇත්ත කියපන්....මුන් ගෙනාපු බඩු කොහේද උඹ හැන්ගුවේ". මේක හරි කෙලියක් නේ යකෝ.....කොහේ තියන බඩ්ඩක්ද...ඉතින් තාත්ත කිව්වා එහෙම බඩු නෑ රාලහාමි..මම දන්නේ මෙයාව විතරයි..අනිත් කෙනා දැකලවත් නෑ කියලා..පොලිස්කාරයා ආයේ තදය වෙන්න ආවා..දැම්මා මාර සද්දයක්..."ගනින් බලන්න කඩේ තියන බඩු ඔක්කොගෙම බිල්..තමුසෙට බේරෙන්න බෑ අපෙන්..." මූ කියාපි...මිනිහා කතා කරපු විදිහෙන් තාත්තට මල පැන්නා..."මොකක්ද රාලහාමි කියන්නේ...තමුසේ තමුසේ කියලා කතා කරගන්න ගෙදර ගිහින්...මෙතන එහෙම බෑ..."මිනිහගේ සද්දේ ටිකක් අඩු උනා..."ආ...එහෙමද.....හොදයි බලාගමු උසාවියේදී' කියලා මෑන් ගියා...
ඉතින් අද නඩුව..
 ගිහින් පොඩ්ඩක් විස්තර විපරම් කරාම තමා වැඩේ මීටර් ඌනේ..කුඩු කාරයෝ දෙන්නා ගාල්ලේ කඩේ කඩලා අහු වෙලා...අහුවෙලා තියෙන්නේ හොරාට වැලි ගොඩ දාපු පොලිස් මාමට..(මතක ඇති කියල හිතනවා..මතක නැති නම් මෙතනින් බලන්න)..පොලිස් මාම කියල අපේ කඩේට බඩු දැම්ම කියල කිව්වොත් උඹලට පොඩි සහනයක් දෙන්නම් කියලා...මුන් ඒකට අහු වෙලා එහෙම කියලා..තව ලියන්න නම් යන්නේ නෑ...තාම නඩුව තියෙන නිසා...නඩුව කල් ගියා..තාත්තට ඇප ලැබුනා...අරුන් දෙන්නා රිමාන්ඩ්....වැලි පොලිස් මාමා හිනා පාරක් දාලා ගියා....
පොලීසියට ගියපු කලක්........