මතකයන්......( ලිව්වේ රත්ගමයා )

 මතක 1

වැව් බැම්මට උඩින් ඉදන් හුලං පොදක් විද ගන්නට
ආල කතා කොදුර කොදුර ඔයත් එක්ක ගුලි වෙන්නට
නුග ගස් යට වාඩි වෙලා නුඹෙ තනුවට ගී හදන්ට
පෙරුම් පිරුව පුංචි හිතට සිද්ද උනේ දුක් විදින්ට

ඈත අහසේ පියඹන්නට මාත් එක්ක පෙරුම් පිරුව
වලාකුලක සැගවෙන්නට ආසාවෙන් බලන් උන්න
පාලු රැයක එලි වෙනකල් කන් පිරෙන්න කතා කෙරුව
පුංචි හිතට දුකක් දුන්නේ කොහොමද ඔබ මට කියන්න

දෑ අවුරුදු ප්‍රේමය හිත විදව විදව රිද්දනකොට
අපේ පුංචි මතක අස්සේ හීනෙන් මම තනි වෙනකොට
ඔයා කියපු බොලද වදන් දෙසවන් මගේ පුරවනකොට
ඇස් පියාන නිදා ගන්නේ කොහොමද මම සත්තකටම

මතක 2

තරු තිබුනට අහස පුරා එක තරුවක් හිනා වුනා
තරුනකමට ආදරේට මාත් ඔහේ කතා කරා
විනාඩියක් අහස දිනා නොබලා ඉන්න නොහැකි උනා
තරු කුමරිට ජීවිතේට වැඩියෙන් මම ආල කලා

ඔයා දුරයි තරු කුමරියේ ලං වෙන්නට නොහැකි තරම්
ආලෝකයවත් වීලා එන්න හිතයි ලගට දුවන්
කෝල බැලුම් ආල කියුම් මතකයි ඔබ දුර ඉදියත්
ආදරයෙන් පිරෙවුනේ හිත හිතා ගන්න බැරිය තවත්

නවතින්නෑ කාලය අද අපිට හොරා යන්න ගියා
ඩිංග ඩිංග ආදරයේ එලිය ඔබෙන් ඈත් උනා
පොලවේ ඉදන් ආකාසෙට දුවලා එන්න හිත් දුන්නා
ඉරුත් එක්ක ඉගි කරලා සදුත් එක්ක යාලු උනා