මැරිච්ච එකා ඇවිල්ලා..................................

මම නැති ටිකට හරි හරි ජංජාල නේ වෙලා තියෙන්නේ...යකෝ...දවස් තුනක් සයිබරෙන් ඈත් වෙලා ඉදියොත් මාව මරා ගන්නවා..
පොඩි විභාග වගයකට මම කැලනිය පැත්තේ ගියේ..මර්වියාගේ අඩවිය නිසා පන පිටින් එන්න පුලුවන්ද කියලා පොඩි සංකාවක් තිබ්බ නම් තමා...ඒත් බොලේ මැරෙන්න තරම් සයිකෝ නෑ නේ මට..
දවස මට මතක විදිහට සදුදා.කැළනියේ ගොහුන් ඉරිදා විභාග කට්ට ගොඩ දාලා මාමලාගේ ගෙදරත් දවසක් නැවතිලා ඉදලා එන්න කියලා අම්ම කියපු නිසා සදුදා දවසේ මම ඉදියේ අපේ මාමලාගේ ගෙදර..පුරුදු විදිහට බොද මීදුමේ සංසලා නංගි අර කොන්ද පන නැති එකා එක්ක හුරතල් වෙන ජුගුප්සජනක ටෙලි කතා මාලාව බල බල ඉදියේ..ජංගම දුරකතන රාජයා චාජ් වෙන්න ගහලා සෙටි එකේ (මම හිතන්නේ සෙටි එක එක් ලක්ෂ ගානක්..) වාඩි වෙලා අගල් 41 ඇල්.ඊ.ඩී ටීවි එකෙන් තමා බැලුවේ..
කතාව ඉවර වෙලා ෆෝන් එක ගන්නකොට මිස්කෝල් 15 ක්..අප්පටසිරි...කවුද බොල මේ අවේලාවේ..දන්නේ නැති නම්බර්ම 10ක් විතර..මම පොඩ්ඩක් බය වෙලා ගියා.ආයේ සුනාමියක් වත් එනවද දන්නේ නෑ කියලා..

දන්න නම්බර් එකකට තිබ්බේ ළමයගෙයි පොඩි මහත්තයගෙයි නම්බර් විතරයි..කොකටත් කියලා මම ළමයට මැසේජ් එකක් දැම්ම මොකො අවුල කියලා...ටික වෙලාවකින් මුගෙන් මැසේජ් එකක් එනවා උඹ මැරිලා කියලා බස් එකක කතාවක් යනවා මේ ඒක දැන ගන්න කියාලා..මමත් ඉතින් පිස්සුද බන් මම හොදින් කියලා රිෆ්ලයි කරා..ඊට පස්සේ ඉතින් ඕක වැඩිය ගනන් ගත්තේ නෑ...

                කොහොම කොහොම හරි ගෙදර ආවේ පෙරේදා රෑ..ඇවිල්ලා බැලුවම නේ වැඩේ මීටර් උනේ..මෙච්චර මේ සීන් එක දුර ගිහිල්ල නේ..මේකට වග කියන්න ඕනා අර සුලැගිල්ලා කියලා තමා ආරංචිය..බුකියේ මම ඔන්ලයින් උනා විතරයි ඌම මට ලින්ක් වගයක් එවනවා මේව බලපන් අයියේ,,මට සමාවෙයන් කියලා..එතකොට තමා කරුනු කාරනා දැන ගත්තේ..ගොඩක් අය කලබල වෙලා..සීමාව ඉක්මවා ගියපු විහිලුවක් නිසා..කොහොම උනත් පමන ඉක්මවා විහිලු හොද නෑ..ඒවගේම කොටියා අවෝ වගේ වෙන්නත් බැරි නෑ..

මම කවදා මැරේවිද කියන්න මම දන්නේ නෑ...ඒත් මැරෙන දවසට මැරෑවි..මීට කලින් මැරෙන්න ගිහින් තුන් පාරක් බේරුනා...පල වෙනි පාර කටු කම්බි වැටක් බෙල්ලෙ පැටලිලා එහෙම්ම ලිදට වැටුනා දවසක්...දෙවනි පාර බස් එකකට හැප්පිලා කකුල විතරක් කැඩිලා මාස තුනක් ඇදක් උඩ ඉදලා බේරුනා..තුන් වෙනි පාර සුනාමියට අහු වෙලා බේරුනා..හතර වෙනි පාර මොකක් වේවිද දන්නේ නෑ..

    මම නිසා ගොඩක් අය කලබල වෙලා...මම මේ ගැන ලියන්න නෙමේ ඉදීයේ..ඒත් සිදංගනා අක්කා ඇඩුවා කියලා කිව්වම ලියන්න හිතුනා..මම දන්නවා හැමෝමලා මට ඉන්නවා කියලා..ඉලංදාරි අයියා වගේ මමත් මේ බ්ලොග් එකෙන් හම්බකරගත්තු දේවල් තමා ඔය මනුස්සකම...මම වෙනුවෙන් අඩපු...හැමෝටම වගේම අර මෝඩ ඇගිල්ලටත් ස්තුති...බීම බොන්න සෙට් වෙලා ඉදපු උන්ගේ බඩට පාර වැදුනා අන්තිමට..

තව අවුරුදු හැත්තෑවකින් වරව්..බොලාට බීම බොන්න ඇහැකි...