වෙනස් විදිහට හිතන්න............

හැමදාම එක එක විකාර කතා කිය කිය ඉන්නේ නැතුව පොඩ්ඩක් වැදගත් ටොපික් එකක් ගැන ලියන්න හිතුනා..

ඔබ හිතන්නේ මොන විදිහට ද...උත්තරේ අනිත් හැමෝමලා හිතන විදිහට කියන එක නම් ඔබට මෙතනින් ඉස්සරහට ලිපිය කියවන්න අවසරයක් නෑ

අපි අපේ ජීවිත කාලෙදි අනුන් කරන දේවල් කොච්චර දවසක් කරලා ඇද්ද..හැමදාම හැමෝම කරන ඒව කරාම අපිට පැවැතමක් නැති වෙනවා..

පොඩ්ඩක් හිතන්න..

මම සරල උදාහරනයක් ගන්නම්

අයිසෙක් නිව්ටන්ගේ ඔලුවට එදා ඇපල් ගෙඩිය වැටුනේ නැතිනම් අද ගුරුත්වාක‍්රෂනය කියලා එකක් හොයාගෙන නෑ නේද...ඒත් එහෙම ඇපල් ගෙඩිය වැටිලත් නිව්ටන් කියන මනුස්සයා වෙනස් විදිහට ඒක ගැන හිතුවේ නැතිනම් ඒත් ගුරුත්වාක‍්රෂනය කියලා එකක් අද නෑ...අද අපි හැමෝමලා නිව්ටන්ට පින් දිදී ගුරුත්වාක‍්රෂනයක් ගැන කතාකරනවා..අන්න එතනදි නිව්ටන් වෙනස් විදිහට හිතුවා..ඒකෙන් එයා නිර්මානයක් කරා..දුන්නා ගුරුත්වාක‍්රෂනය කියලා ඒකට අර්ථ දැක්වීමක්..

මෙන්න සරල ප්‍රශ්නේ....ඔබත් අද එදා නිව්ටන් කියපු දේ පිලිගන්නවා නේද..ඇයි අපිටත් බැරි වෙනස් විදිහට හිතන්නේ...නිව්ටන් හිතුවට වඩා වෙනස් විදිහට අපිට හිතන්න බැරිද...පැහැදිලිවම පුලුවන්..ඒත් ඕන කමක් නෑ

 හයිඩ්‍රජන් පුරවපු බැලුමක් උඩ යන්නේ වාතයට වඩා සැහැල්ලු නිසාලු...ඉතින් කෝ එතනදි අර කියපු ගුරුත්වාක‍්රශනේද මොකක්ද එක..ඕක තියෙනව නම් බැලුම පොලවටම අදින්න ඕන නේ..

මෙච්චර ලොකු ගුරුත්වාක‍්රශනයක් තියාගෙන බැලුමක් පොලවට ඇදගන්න බැරි නම් එතන ඊට වඩා වැඩි දෙයක් තියෙනවා.සමහර විට ඔබට ඒකට විරුද්දව ඕන තරම් තර්ක ගේන්න පුලුවන්.සමහර නියමයන් බිද වැටෙන්න යනවා වගේ පේනව නම් ඒක හොයා ගත්තු විද්වත්තු ඒ නියමය වලන්ගු වෙන්න කියලා තත්ව දෙනවා..ඒ තත්ව වලින් කරන්නේ ඒ නියමයන් රැක ගන්න එක මිසක් ඇත්ත ලෝකෙට පෙන්වන එක නෙමේ..අපිත් එයාලා කියන්නේ ඇත්ත කියලාම හිතාගෙන හිටියොත් අපිට කවදාවත් වෙනසක් දකින්න බෑ....හිත ඇතුලෙන් තර්ක කරන්න....ඒ ඔස්සේ හිතන්න...වෙනස් වෙන්න...

මීට කලින් මම කියපු පිටසක්වල ජීවින්ගේ   එකිනෙකට වෙනස් කතා දෙක පොඩ්ඩක් වෙනස් විදිහට හිතපු අවස්තාවක්..

        මම හැම නිතරම වගේ මගෙන්ම මේ ප්‍රශ්නය අහගන්නවා....

"මම කියන්නේ කවුද?..මගේ ඇග ඇතුලේ ඉන්නේ කවුද...කාට වුවමනා විදිහටද මගේ අවයවයන් ක්‍රියාත්මක වෙන්නේ...."

ඒකට මට තාම උත්තරයක් හම්බෙලා නෑ..මහාචාර්‍ය‍යවරු කියන්නේ ඒක කෙරෙන්නේ සිතෙන් කියලා..ඉතින් කෝ සිත කියලා අවයවයක්..අන්න ඒක කොහේද තියෙන්නේ...

ගොඩක් වෙලාවට මම ආසයි සැහැල්ලුවෙන් හිතන්න..ගෙදරට ඇදන් ඉන්න ඇදුම ඇදගෙනම ගාලු යන වෙලාවල් ඕන තරම් තියෙනවා..ශෝට් එකක් ඇදගෙන රබර් සෙරප්පු දෙකක් දාගෙන යන්න තියෙනව නම් ඒ වෙනස තේරුම් ගන්න පුලුවන්...

ඇයි මට බැරි අදර කතා ලියන්න...ආදරේ ගැන කවි ලියන්න..දුක හිතෙන කතා ලියන්න..මට බැරුව නෙමේ...මට අඩවන්න පුලුවන් වචන වලින්..ඒක මම දන්නවා..මම ඒක කරලත් තියෙනවා

ඒත් මම මොකටද වෙන කෙනෙක්ව අඩවන්නේ...ඊට වඩා කොච්චර ලස්සනද හිනාව..අන්න ඒක තමයි මට වටින්නේ..හැමෝම ආදරේ ගැන කවි ලියද්දි මම වැසිකිලියක් ගැන විකාර කවියක් ලියන්නේ මම වෙනස් නිසා...ඒ වෙනසට මම ආස නිසා..

උඹට පිස්සු බන් කියපු නැති යාලුවෙක් මට නෑ.උඹ නම් මහා විකාර වෙනස්ම් චරිතයක් කියපු නැති එකෙක් නෑ.

එක දවසක් අපේ ඉස්කෝලේ ගුරු දෙගුරු රැස්වීම තිබ්බා..12 වසරේ අන්තිම වාරේ වගේ මම හිතන්නේ..අපිට සංයුක්ත ගණියට ඉගැන්නුවේ පතිරගේ කියලා සර් කෙනෙක්..අපේ අම්මා සර්ගෙන් ඇහුවා කොහොමද සර් අපේ පුතා පන්තියේ වැඩ කරනවද කියලා...සර් පොඩි හිනාවක් දාලා කිව්වේ මිනිහට නම් වැඩ පුලුවන්..හැබැයි හෙනම පඩත්තලයි කියලා..ඒ වචනය අල්ලගෙන අපේ කොල්ලො මට හින්ට් ගැහුවට මම ඒකෙන් වෙනසක් දැක්කා..ඔව් මට ප්‍රශ්න තිබ්බා..අනිත් අයට නැති ප්‍රශ්න මට තිබ්බා..ඉතිනි මම පන්ඩිත නොවී ඉන්නේ කොහොමද,,..මට පිස්සු....ඒ මම හිතන විදිහ..පිස්සෙක් ලෝකය දකින්නේ වෙනස්ම විදිහට..පිස්සෙකුට බැදීම් නෑ..හරිම සරලයි...ඌට හිතෙන්නේ අනිත් උන්ට පිස්සු කියලා...

තව වෙනස් විදිහකට හිතන්න පුලුවන් දේවල් ඕන තරම් තීයෙනවා..ඒත් ඒවා ඒ විදිහටම අනිත් අයට හිතේවිද කියන්න මම දන්නේ නෑ..

ගොඩක් අය ආසයි නේ කැපිලා පේන්න..ඇදුමෙන්..සුවදින්,ලස්සනින්,.... අන්න ඒ විදිහට කැපිලා පෙනීමට යාම තාවකාලිකයි...දැනුමෙන් කැපිලා පේන්න උත්සහා කරන්න..හැසිරීමෙන් කැපිලා පේන්න උත්සහ කරන්න..ක්‍රියාවෙන් කැපිලා පේන්න....අන්න එතකොට පැවැත්මක් තියේවි...හැමෝටම හැමදාම මතකේ තියේවි..අදටත් ජෝතිපාල මහත්මයව මතකේ තියෙන්නේ රූපේ ලස්සන නිසා නෙමේ..අදටත් විජය කුමාරතුංග මහත්තයව මතකේ තියෙන්නේ මේකප් එක නිසා නෙමේ...

මම හිතනවා හැමෝටම රත්ගමයව මතකේ තියේවි කියලා...ඒ මම ලස්සන නිසාවත් (ලස්සන නම් තමයි හොදේ) මම අදින ඇදුම් නිසාවත් නෙමේ...මම ලියන විකාර පිස්සු කතා නිසා.කොහේ කවුරු කියෙව්වත් මේක රත්ගමයගේ ස්ටයිල් එකට ලියපු කතාවක් කියලා කිය වුනොත් මම වෙනස් දෙයක් කරා වෙනවා.කුප්ප කතාවක්,කුජීත කතාවක්,,ඉකේයියා... කියලා කොහේ හරි කිවොත් රත්ගමයව මතක් වෙනව නම් මම වෙනසක් කරලා තියෙනවා.....තවත් උදාහරන ගොඩාක් දාලා මේ ලිපිය දිගටම ලියන්න පුලුවන්.ඒතකොට වෙනසක් නැතිවෙනවා...මෙතනින් නවත්තමු..

අද ඉදලා වෙනස් විදිහට හිතන්න...පුලුවන් වෙලාවට නෙමේ...හැම නිතරම.....