පොශ් අක්කාගේ දෙක........

නිමිත්ත - සාහිත්‍ය මාසය වෙනුවෙන් කැටයක් එකතුකිරීමට යාම

 

කැටේ අරන් යනකොට අපි පාර දිගේ                  පාන්දරින්
එයත් හිටියා බස් රථයේ මැදට වෙන්න              උජාරුවෙන්
කොන්ඩේ වනලා ඇදලා හිටියේ වැඩි හරියක් ඇග   එලියෙන්
සිනාසුනා මමත් ඉතින් ඇහැක් ගහලා කට           කොනකින්

අම්මේ තාත්තේ අයියේ අක්කේ       බලන්
පේරාදෙණියේ අපි ආවේ කැටේ       අරන්
මාරුකාසි තියෙනව නම් අතට          අරන්
දෙන්න අපිට බය නැතුවම පින්       පුරවන්

තෙලක් ගහලා බස් එකටම      ඇඩෙන්නට
කැටේ අරන් ආවා මම                ඉක්මනට
ටිකෙන් ටිකම කිට්ටු උනා ඇය         ලගට
එලිය බලන් හිටියා ඇය පොශ්           කමට

අනේ මෙයා මේ පේරාදෙණියෙ          කැට
කරන්නේ නෑ වැරදි වැඩක් ඔයා            හට
ඔයා නෙමෙයි ගෙනියන්නේ මම       එහෙට
තියෙනව නම් පොඩි රුපියල මට       දෙන්ට 

ආයේත් කට කොනෙන් රවා සොදුරු        එයා
චික් විතරක් බැලැඩි නොන්සන්ස් කියලා    කියා
ඇරලා පසුම්බිය උකුලෙන් අරන්               තියා
රුපියල් දෙකේ කාසිය මට දීලා                ගියා

දාහේ බ්ලවුස් ඇදගෙන මුන් පාරේ      යති
ටයිඩ් ඩෙනිම් ඇදගෙන විලි වහ        ගනිති
ස්මාර්ට් පෝන් කනේ ගහන් ගී         අහති
දහයේ කොලේ හංගාගෙන දෙකක්     දෙති