ඔබත් පට්ටම බෞද්ධයෙක්ද?.........

මෙය ලිවීමට හේතු රැසක් ඇත.ආසන්න පලමු සිදුවීම වූයේ මා හිතවත් මුස්ලිම් මිත්‍රයෙකුගේ නිවසේ භෝජන සංග්‍රහයකට සහභාගී වීමයි.බ්ලොග් මිත්‍රයෙකු වෙන යසියා ඇතිලු සැට් එකේ කීප දෙනකු සහභාගී වීමු..
වෙනත් ආගමක් ගැන ලිවීම මට අයිති දෙයක් යැයි නොසිතමි.
ඉදින් මම බුදු දහම ගැන ලියමි.
බුදු දහම නමින් 'මම පට්ටම බෞද්ධ පොරකි" ලෙස සිතාගෙන සිටිනා අය ගැන ලිවීමට මම අදහස් කලෙමි.
ඔබ හොදම බෞද්ධයෙකු නම් පලමුව කල යුත්තේ අන් ආගමකට හිතේ කැත යන ලෙස පහර දීමය.එය පට්ට බෞද්ධ කමේ ලක්ෂනයකි.බනිනා තරමට ඔබේ බෞද්ධ ගතිය ඉස්මතු වේ.ඔබ පොර වේ.අද බොහෝ දෙනා අනුගමනය කරන්නේ මේ න්‍යාය බව මනාව බැලු කල පැහැදිලි වේ.වෙනත් ආගමක් සම්භන්ධයෙන් බුදුන්වහන්සේගේ දේශනය කුමක් දැයි මම නොදනිමි.මක් නිසාද මම බෞද්ධයෙක් නොවන බැවිනි.පුදුම නොවන්න..මෙය කියවන ඔබ බෝ දෙනෙකුද බෞද්ධයන් නොවේ..
ඔබ සිරාවට බෞද්ධයෙක් දැයි මගේ සිත ප්‍රශ්න කරයි. හිතෙන් ලැබෙන පිලිතුර හමුවේ මා අම්බානෙක අසරණ වීමි.
සුද්දා සිංහලෙන් කීවොත් මම බෞද්ධයෙකු නොවෙමි.
පාසල් යන කාලයේ එක , දෙක වසරේදී මුලු පන්තියටම ඇසෙන්නට පට්ටම සද්දෙන් පන්සිල් පද පහ සමාදන් වුවද ඒවා පිලි පැද්ද බවක් මට කිසි කලෙක සිහි නොවේ.දහය එකොලහ වසර වන විට පන්සිල් පද නොකියන තරමට මාගේ බෞද්ධ කම හීන වී ගොස් තිබුනි.ඔබටද එය එසේම යැයි මම සිතමි.නමුත් මම නමට බෞද්ධයෙක් මි.ඔබද ඔබලාට අනුව බෞද්ධයෝය.බෞද්ධයෙකු වීමට ඇති මූලික සිල් පද පහ සුරැකීමට තරම් වත් හිතේ හයියක් නැති අපි පට්ට බෞද්ධයෝ ලෙස සමාජයට පෙනීමට උත්සහ කරන්නෙමු.
පන් සිල් පද වලින් මම පස් වන සිල් පදය හැර අනෙක් සියල්ලක්ම බිද දමා තිබේ.සමහර සිල් පද දින පතා බිද දමමි.නමුත් සමාජයට මම පට්ටා බෞද්ධයෙකු වෙමි.
මේ වෙසක් මාසයයි..
හරි හරියට දන්සැල් පැවැත් වේ.දන්සැල් දෙන්නෝ පට්ට බෞද්ධයෝය.ඔවුන් ලබන ආත්මයේ හෝ ඊලග ආත්මයේදී නිවන් ලගාකරගනී.
දන්සැලෙන් කන්නේ අපි වැනි කොල්ලෝ කුරුට්ටෝය.නැතිනම් තුන් වේලම යහතින් කෑමට හැකියාව ඇති සල්ලිකාරයෝය.දන්සැලේ පලමු පිගාන වෙන් වන්නේ ඒ වැනි කෙනෙකුටය.
අසරන දුප්පත් මිනිසාට අවසානයේ කන්නට ලැබෙන්නේ ඔවුන් හැමදාම කන දංකුඩ ටිකය.
නමුත් දන්සැල් දෙන්නෝ පට්ටම බෞද්ධය.
මේ ගැන ලිවීමට බොහෝ දේ ඇත.තවත් අම්බානෙක කරුනු ලියා මටද පට්ට බෞද්ධයෙකු වීමට හැක.මම මගේ හිතෙන් විමසීමි.මම තව දුරටත් පට්ටා බෞද්ධ නොවෙමි.
මීට අවුරුදු දෙකකට පමන පෙර මම මස් මාලු ආහාරයට ගැනීමෙන් වැලකී සිටියෙමි.ගෙදර මට වෙනනම උයන්නේ නැත.සමහර දාට මස් හොද්දක් සමග පරිප්පු ඇත.එදාට මට කන්නට වන්නේ පරිප්පු සහ බත්ය.ඉදින් අපේ ගෙදර මිනිසුන් මස් මාලු කමින් පට්ටා බෞද්ධයෝ වෙද්දී මා විතරක් නිකම් බෞද්ධ වන්නේ කෙසේද?එබැවින් මස් මාලු නොකෑමේ උපවාසය සති දෙකකට හෝ තුනකට සීමා කලෙමි.අදත් මම මස් කමි.ඒත් හරක් මස් නොකමි.එයද මා පට්ටා බෞද්ධයෙකි කිරීමේ හේතුවකි.ඕනෑම අලුගුත්තේරු මසක් කා හරක් මස් නොකා සිටීම පට්ටා බෞද්ධ කමේ ලක්ෂනයකි.
ඔබ අවසන් වරට පන්සල් ගියේ කවදාද..සමහර විට මේ ලගදී දවසක් යැයි ඔබ කියනු ඇත.සිරාවටම පන්සල් ගියේ කුමන හේතුවකටද...ඔබ විවිධාකාර පිලිතුරු දෙනු ඇත.බුදුන් කෙරේ ඇතිවන ශ්‍රද්ධාවෙන් පන්සල් ගිය අය හැර අනෙක් හේතු නිසා පන්සල් යන අය පට්ටා බෞද්ධයෝය.කොළඹ ලොකු ලොකු නෝනලාට පන්සල් යන්නට වෙනම කොස්ටුම් ඇත.මේකප් ඇත..මේකප් තට්ටු පිටින් දමා සංවර ඇදුමක් ඇදගත් නෝනලා ඔබ සහ මම අනේකවත් දැක ඇත්තෙමු..ඒ එතුමන් එතුමියලාගේ පට්ට බෞද්ධකමය..
මාගේ මුස්ලිම් මිතුරාගේ නිවසට ගොස් නැවත එන විට වේලාව රෑ 11 ත් පසු වී ඇත.එන ගමනේදී තවත් මිතුරෙකුගේ පට්ටම දේශනයකටද අවන් දුන්නෙමි.ඒ මිතුරාට අනුව ඔහුට ආගමක් නැත.ඔහුට ආගමක් නැති වීමට ඉදීරි පත් කරන කරුනුද යම්තාක් දුරට සධාරණය.ඔහුට අනුව ඔහු ආගමක් නැති අයෙකි.පන්සලට අවුරුදු ගානකින් ගොස් නැත.මුස්ලිම් මිතුරා අදහන්නේ ඉස්ලාම් ආගමය.ඔහු ඔහුගේ ආගමට අනුව ජීවත් වේ.මම පට්ටම බෞද්ධයෙක්මි.මමත් මාගේ ආගමට අවුව ජීවත් වේ.
නමුත් මොහොතක් සිතා බලන්න.. අපි ආගම මෙය යැයි කියමින් ආගමට පිටින් ජීවත් වන්නෝ නොවේද....?? ඉදින්....ඔබත් පට්ටම බෞද්ධයෙකු නොවේද....?